SA MAGNA PROCESIÓN NIN CORPUS.

Tres jueves lucen más que el sol: JUEVES SANTO, CORPUS CHRISTI y el día de la ASCENSIÓN.

CIUDAD NIN NAGA, (CAMARINES SUR).

      <¡Sagcod saen pa nacalabi an simong pagcamoot, ó mahamison na Pusô ni Jesús! Dai ca pa guiraray naogma na mag-eroc sa sagrada Eucaristía, sa paghalat na pomadihan caming magsongcô símo, sa pag-uaras mo sa samô, can gabos mong magna cayamanan asin sa pagguibo na maguin totoo caming paladan, magcanigô ca pang lomuas sa público sa paghanap sa samó; asin sa pagpaguiromdom mo sa samô caidtong daing cabaing mong pagcamoot na iquinamomoot mo sa samô, ina-aloc mo caming ibanhan mi ica asin galagnan mi man caining magna aldao gnonian. ¡Maguinguin arin dao an caogmahan nin sacong pusô, pagcahiling cong namomogtac ca siring sa trono nin camurauayan sa ibabao nin samong altares, asin dinadara cang siring sa nanaog na ipinagroquiano dihan caiyan magna calle asin magna plaza! Nagmamauot cang maquita mo cami gabos sa símong atubang; asin huli tan igua nin dacol na magna tauong mapabayâ na dai lamang símo minasongcò sa laog nin taon, minaluas ca sa magna simbahan, sa magcaigua ca lamang nin caragnahan sa pacaquita sa sainda can  sa magna mata mong maheheracon dihan caiyan magna lansagnan. Asín ¿paano dao an pacapagbalos co sa siring na carahayan? ¡Magcaigua logodd aco símo, ó mahamison na Pusô, can sacong pagdolot! ¡Magcasucat man logod acong mag-iba-iba símo saen man ica pomaduman, asin magsamba aco símo nin orog calipotoc na pagtubod, paggalang asin pagcamoot! ¡Oh! ¡con ma-aabot co pa sanang mapadoloc dihan sa símong mahal na atubang an gabos na magna dai minatubod can pagcatotoong yaon ca dihan sa hostia cansagrada, asin maguibo co sindang mapabalic nin boot, con yaon nang maliuanagan can ilao nin santa fé, asin magmidbid sinda símong ica an totoong Aquî nin Dios na nanitauo! ¡Auot pa logod na magcasucat acong macapagpogol ó macapagbayad lamang can magna camudahan, pagcadai nin magna galang, asin can magna pagduhague na itinatáo baga sa saimo caidtong siring na magna tauo na namomòtan mo nin orog, huli can sacong hararomon na magna capacumbabàan, asin huli can maigot asin marîgon cong pagsolsol, asin minsan gnanî gayud aco matunao na sana! Alagad yayang dai aco caini magcacasucat, hinahagad co sa saindo, ó magana espíritu sa lagnit, na nagnaogmahan camong pilíon sa paggalang sa Pusô nin mahamison cong Jesús, hinahagad co sa saindo na sa gnaran co ibanhan nindo sia asin sambahon nindo sia digdi sa mahal na Sacramento. Ohò; camòtan nindo sia, pagomauon asin ipagbantog huli sa sacò; asin sa pacabayad can siring na magna capasaluiban, idolotnindo sa saiya an mamomóton na Pusô ni María, asin an magna mapacumbabà asin mamomòton na magna pusô nin dacol niang magna esposa na nagna-oogmahan niang gayo.
    Asin ica, ó mahamison na Pusô nin namomôtan cong Jesús, pabayàan mong omolsic dihan caiyan volcán nin calayo, na naglalaad simo, an sarong buhay na pisic nin pagcamoot, na pomalomoy asin tomonao can calipotan nin samuyang magna pusô na dai nin magna isosogad, asin palaadon sinda sa calayo nin pagcamoot na dalisay, asin nin totoong pagpasalamat sa sarong Pusô na sagcod pa caidtong caenotenote namomoot na sa satò nin orog caladoc. Guibohon mo iyan,, mahamison na Jesús co: iyo na ini an panahon nin ipaghahadé mo digdi sa bilog na quinában; iyo na ini an panahon nin ipaglalacbang can ìmong cahadèan, ipagdudugang can símong camurauayan, asin ipagcacabirilog na nin gabos na magna pusô, na maguin saró sana, na magmidbid, gomalang asin mamoot sìmo, na siring baga can saró sanang pusô na iguinagalang asin iquinamomoot símo can magna paladan duman sa lagnit, na naghahadèhuli sìmo asin caiba mo sagcod noarin man. Auot pa.>
An Áncora Sa Salvación Na Binicol Ni D., Teodosio Homiliano. (Pags., 366-370).