SAN JOSÉ.

                       Imagen de San José con Jesús Niño, pintura filipina de principios del S XX.

                                                 PAMIBI  QUI  SAN   JOSÉ.

     O mabinîon na gayong José, honra nin magna Patriarca, tauong namomótan na gayo nin Dios, payo can sagrada familia, paraotob can gnagnalasan na magna lalang can cadonognan asin daing catapusan na pagcaherac nin Dios, pinaguin-Amâ ni Jesús asin paladan na gayong Esposo ni María; ¡cadarodaculà can sacong caogmahan can paghiling co sîmong ibinugtac ca sa halangcao na catongdan asin sinamno ca nin bantong na magna guibong carahayan na maninigô sìmo! Huli caidtong magna pagsarosacolo mo asin paghadochadoc mo caidtong omboy na Dios, maggnagnayôgnaò aco simo na acôon mo aco magpoon gnonian sa cabilagnan nin sìmong magna vírgenes, ó paraaraman caidtong cabinîan ni María, asin ihagad mo cami can gracia na papagnayonon ming dai nin digtá an cabinian nin samong hauac asin calag. Maherac ca sa magna duc-hâ asin sa magna nagmomondô, asin huli caidtong magna gânot asin capagalan na tinios mo sa pagcaya asin pagligtas sa Cagguibo asin Paratubos nin bilog na quinâban, tâui cami can cacanon nin hauac, asin guiboha, na con acôon mi sa marahay na pagtios an magna capagalan sa buhay na ini, macatipon cami nin balaquid na cayamanan duman sa Lagnit. Ica logod an maguinpa-alauan nin magna mag-aragom, ó paladan na patriarca, asin guibohon mo na an magana amá asin iná maguin aarogan man sinda siring caidtong saimong magna guibong carahayan, asin magna totoong gayong aarogan man sinda nin pagcaherac sa saindang magna aquî. Sorogon mo man an magna sacerdote, asin an magna institutos religiosos, asin guibohon mo sinda, na con omarog sinda can simong malodoc na pagcabuhay, otobon ninda an magna cucuyogon nin saindang catongdan na siring mansana caidtong pagotob mo can sìmong estado. Panôon mo gnonian na buhay pa cami nin dacol na magna carahayan, asin sa panahon nin samong paghigagdan, con an infierno nagnognosog nang gayo sa pagpacadadaog sa samuyâ, dai mo cami pabayaâan, ó marîgon na abogado nin magna naghihigagdan; asin huli ta nagcapalad cang magadan sa magna taquiag ni Jesús asin ni María, iabot mo na magadan man cami sa buhay na gayong pagsolsol nin samong magna casálan, na macapagtaram cami nin todoc sa boot can magna mahamison na gnaran ni Jesús, María y José.
          "An Ancora Sa Salvacion Na Binicol" ni Teodosio Homiliano.